Ümumdünya Süd Vəzi Xərçəngi ilə Mübarizə Ayı ilə əlaqədar qadın əməkdaşlarımıza maarifləndirmə seminarı keçirdik. Seminar zamanı Liv Bona Dea Xəstəxanasının həkim - onkoloqu erkən diaqnozun önəmindən bəhs edib və bununla əldə edilən müsbət nəticələrə diqqət çəkib. Həmçinin seminar iştirakçılarına sözügedən xəstəliyin risk faktorlarından və özünümüayinə üsullarından bəhs olunub.
Qeyd edək ki, hər il ölkəmizdə orta hesabla 2 mindən çox qadına süd vəzi xərçəngi diaqnozu qoyulur. Həyatın hər sahəsində qadınların aktiv iştirakı onların stres səviyyəsinin artmasına, bu və başqa risk faktorlarının təkan verməsi isə xəstəliyin hər növbəti il yüksələn statistika ilə görünməsinə gətirib çıxarır.
Məhz bu səbəbdən dünya üzrə qadınların bu mövzuda maariflənməsini artırmaq və erkən müayinənin müsbət nəticələrinə diqqət çəkmək məqsədilə Ümumdünya Səhiyyə Təşkilatı 1992-ci ildən etibarən oktyabr ayını Süd Vəzi Xərçəngi ilə Mübarizə Ayı elan edib. Belə ki, statistik məlumatlara görə erkən diaqnozun qoyulması və doğru müalicənin tətbiq olunması 98% hallarda həyat qurtarır.
Qeyd edək ki, Expressbank ASC mütəmadi olaraq əməkdaşlarının sağlamlığının qayğısına qalır və bu istiqamətdə müvafiq müayinə və maarifləndirmə tədbirləri həyata keçirir.
Lisenziya №119, 30.12.1992, AR MB. Bakı şəh., Y.V.Çəmənzəminli küç., 134C.
"Expressbank" – İşiniz rahat getsin!
